गणेशको हत्याको जिम्मेवार बालेन सरकार हो : ऐन महर
नेकपा एमालेका प्रमुख सचेतक ऐन महरले सदनमै सरकारविरुद्ध मुर्दावादको नारा लगाएका छन् । प्रतिनिधि सभाको बैठकमा बोल्दै मुगुका २५ वर्षीय गणेश नेपालीलाई सरकारले आत्मदाह गर्ने ठाउँबाट पुर्याएको आरोप लगाए । वीर अस्पतालमा परिवारको बिचल्ली भएको बताए ।
उनले भने, हिजोअघि त्यहाँ केही मान्छेहरूले भन्दै हुनुहुन्थ्यो हिजो रातभरि त्यहाँ गृहमन्त्री आउनुभयो, यहाँ बस्नुभयो भन्दै हुनुहुन्थ्यो। म भन्न चाहन्छु सरकारलाई, अघि प्रवक्ता माननीयले पनि यहाँ धेरै कुरा राखिसक्नुभएको छ, स्टन्ट गर्ने बानी सरकारले छोड्नुपर्यो । स्टन्ट बन्द गर्नुपर्यो । यो यो घटनाको मुख्य जिम्मेवार सरकार भएको बताए । उनले थपे, यो हत्याको जिम्मेवार बालेन्द्र सरकार हो, बालेन्द्र सरकार जनताका पक्षमा, जनतालाई मुक्ति दिने गरी होइन, जनतालाई मार्ने गरी अगाडि बढिरहेको छ । म यो सरकार मुर्दावाद भन्न चाहन्छु ।
