ब्लु बसभन्दा व्यवस्थापन र गुणस्तरमा सुधार गरियोस् : योगेश भट्टराई
नेकपा एमालेका उपमहासचिव योगेश भट्टराईले सरकारले सञ्चालनमा ल्याउन लागेको ब्लु बसको रङ्गभन्दा सार्वजनिक यातायातको सेवा, व्यवस्थापन र गुणस्तरमा सुधार हुनु नै मुख्य आवश्यकता भएको बताएका छन् ।
बसको रङ्ग नीलो, रातो, सेतो, कालो, खैरो वा हरियो जे भए पनि त्यो केवल बाह्य परिवर्तन मात्र भएको उनको भनाइ छ । उनले भनेका छन् हरेक वर्ष सडक दुर्घटनाका कारण ज्यान गुमाइरहेका तीन हजारभन्दा बढी नागरिकको जीवन जोगाउने, हजारौँलाई घाइते हुनबाट बचाउने तथा मानवीय र भौतिक क्षतिबाट मुलुकको अर्थतन्त्रलाई जोगाउनेतर्फ सरकारको ध्यान केन्द्रित हुनुपर्छ ।
वास्तविक परिवर्तन सार्वजनिक यातायात प्रणालीको सेवा, व्यवस्थापन र गुणस्तरमा देखिनुपर्ने बताए । सडक यातायातमा लाग्ने लामो समय र बढ्दो खर्च कम गर्न, सडकलाई मृत्यु मार्गबाट जीवन मार्गमा रूपान्तरण गर्नुपर्ने बताए ।
