एमाले पुनर्गठन कार्यदलको बैठक ओलीकै अध्यक्षतामा
नेतृत्व नछाड्ने अडान लिएका एमाले अध्यक्ष केपी शर्मा ओली पार्टी पुनर्गठन कार्यदलको पहिलो बैठकमा आफैँ सहभागी भएका छन् ।
पार्टी केन्द्रीय कार्यालय, च्यासल, ललितपुरमा शुरू भएको उक्त बैठकमा कार्यदलका संयोजक तथा पार्टी उपाध्यक्ष रामबहादुर थापा (बादल), उपाध्यक्ष विष्णुप्रसाद पौडेल, पृथ्बीसुब्बा गुरुङ, छविलाल विश्वकर्मा, महासचिव शंकर पोखरेलसहितका नेता सहभागी छन् ।
एमाले प्रचार विभाग प्रमुख नीरज आचार्यका अनुसार पार्टीलाई वैचारिक, राजनीतिक र संगठनात्मक रूपमा एकताबद्ध बनाउँदै कार्यदलले सुदृढीकरण एवं रूपान्तरणसहितको पार्टी पुनर्गठन कार्ययोजना तयार गर्नेछ ।
