बिदाको दिनपनि सर्वोच्चमा सुनुवाई
सर्वोच्च अदालत आज र भोलि आंशिक रुपमा खुला रहने भएको छ । लगातार चार दिन बिदा परेपछि सर्वोच्चले आज र भोलि ११ देखि ३ बजेसम्म सेवा दिन लागेको हो । बन्दी प्रत्यक्षीकरणको रिटउपर सुनुवाईका निम्ति अदालत खुला रहने सर्वोच्च प्रशासनले जनाएको छ ।
जेठ १४ गतेदेखि १७ गतेसम्म लगातार सार्वजनिक बिदा परेको र सो अवधिमा सर्वोच्च अदालत बन्द रहने हुँदा न्याय प्रशासन ऐन, २०७३ को दफा २६ बमोजिम बन्दी प्रत्यक्षीकरणको रिट सुनुवाई गर्ने प्रयोजनका लागि मिति २०८३ साल जेठ १४ र १५ गते बिहान ११ बजेदेखि अपरान्ह ३ बजेसम्म सर्वोच्च अदालत (इजलास) खुला रहने जारी सूचनामा उल्लेख छ ।
आज मुस्लिम धर्मावलम्बीको प्रमुख चाड ईद र भोलि गणतन्त्र दिवस परेकाले सार्वजनिक बिदा दिइएको छ । सरकारले सातामा दुई दिन बिदा दिने निर्णय गरेकाले शनिबार र आइतबार सबै कार्यालय, विद्यालय, अस्पताल बन्द रहनेछ ।
