प्रधानमन्त्री नआएसम्म सदन चल्न नदिने एमालेको चेतावनी
नेकपा एमालेका प्रमुख सचेतक ऐन महरले प्रधानमन्त्री सदनमा नआएसम्म सदन अगाडि नबढ्ने बताएका छन् । प्रतिनिधिसभाको बैठकमा बोल्दै उनले सभामुखलाई रुलिङ गर्न माग गरे ।
उनले भने, झन्डै दुई तिहाइ बहुमत प्राप्त गरेको सरकार र त्यसका प्रमुख यो संसद्सँग किन तर्सिरहनुभएको छ ? यो संसद्सँग किन टाढा भइरहनुभएको छ ? यसबाट यसलाई छल्न खोजिरहनुभएको छरु यो आज आम नेपाली जनता र हामी यो संसद्मा प्रतिनिधित्व गर्ने सबैको प्रश्न हो । संसद्ले उत्पादन गरेको प्रधानमन्त्री संविधान र नियमावलीविरुद्ध गएको आरोप लगाए ।
उनले थपे प्रधानमन्त्री किन सदनलाई किन इग्नोर गर्न खोजिरहनुभएको छ ? खोपीको देउता बन्दै हुनुहुन्छ रु के प्रधानमन्त्री बालेन शाहलाई खोपीको देउता बनाउँदै घण्टी हल्लाएर पूजा गरेको हो रु घण्टी बजाएर पूजा गर्दै हो ? के गर्न के बालेनतन्त्र चाहिँ स्थापना गर्न खोजिएको हो ? लोकतन्त्रको चीरहरण गरेर बालेनतन्त्र स्थापना गर्न खोजिएको हो ? संविधानको चीरहरण गरेर कुनै बालेनतन्त्र स्थापना गर्न खोजिएको हो ? आज यी प्रश्नहरू गम्भीर रूपमा उठेका छन् ।
