एकता कायम गर्दै सकियो एमाले सचिवालय बैठक
एकताको सन्देश प्रवाह गर्दै नेकपा (एमाले) को सचिवालय बैठक सकिएको छ । पार्टी उपमहासचिव लेखराज भट्टले साैहार्दतापूर्वक बैठक सम्पन्न भएकाे दाबी गरेका छन् । उनका अनुसार चार दिनसम्म सचिवालयका सदस्यहरुले धारणा राखेका थिए । बैठकमा पार्टीभित्रका समस्या समाधानका लागि गहन छलफल गरिएकाे थियाे ।
सचिवालय बैठकले असार दोस्रो साताका लागि केन्द्रीय कमिटी बैठक बोलाउनेलगायतका निर्णय गरेको उपमहासचिव भट्टले जानकारी दिए । उनका अनुसार बैठकमा अध्यक्ष केपी शर्मा ओलीले पार्टीमा एकता कायम गरेर अगाडि बढ्न निर्देशन निर्देशन दिएका थिए । बैठकले रामबहादुर थापा बादलको संयोजकत्वमा निर्वाचन र पार्टी पुनर्गठनसम्बन्धी समीक्षा सुधारका लागि समिति गठन गर्ने निर्णय पनि गरेको छ । यस्तै गरी असार दोस्रो साता अध्यक्ष र महासचिवको परामर्शमा केन्द्रीय कमिटी बैठक आह्वान गर्ने निर्णय गरेको छ ।
