जसमाथि पूरा भरोसा छ, उसैलाई काम दिए भइ गो नि : गोकुल
नेकपा एमालेका नेता गोकुल बास्कोटाले सचिवालयमा अध्यक्ष ओलीद्वारा प्रस्तावित नेताहरूको कार्यविभाजनको विषयमा असन्तुष्टि जनाएका छन् । सामाजिक सञ्जालमार्फत् बास्कोटाले उस्तै – उस्तै प्रकृतिका विभाग र फाँट नामकै लागि राखिएको टिप्पणी गरेका छन् ।
आफूले जिम्मेवारी नमागेको, सुनेपछि लागेको कुरा भनेको उनको प्रष्टोक्ति छ । बास्कोटालाई भूमि व्यवस्था विभाग प्रमुखमा प्रस्ताव गरिएको छ । उनले कामकाजी नहुने संगठनमा व्यक्तिका नामको चाङ किन चाहियो, भन्दै प्रश्न सोधेका छन् ।
बास्कोटाको भनाइ जस्ताको तस्तै
एमालेले उस्तै उस्तै प्रकृतिका विभाग र फाँट नामकै लागि किन राख्नु ? जसमाथि पूरा भरोसा छ,उसैलाई काम दिए भैगो नि ! मर्जिङ गर्नु राम्रो । कामकाजी नहुने नामधारी हुने संगठनमा व्यक्तिका नामको चाङ किन चाहियो ? मागेको हैन,सुनेपछि लागेको कुरा भनेको ।
