प्रधानमन्त्री पदीय दायित्वबाट भाग्न हुन्न : योगेश भट्टराई

हाम्रो इकोनोमि

 

नेकपा एमालेका उपमहासचिव योगेश भट्टराईले प्रधानमन्त्री पदीय दायित्वबाट भाग्न खोजिरहेको आरोप लगाएका छन् । संसदीय लोकतन्त्रको अभ्यास गरिरहेका मुलुकहरूमा संसद्को गरिमा र महत्त्व उच्च रहने भन्दै प्रधानमन्त्री सदनमा नगएकोप्रति प्रश्न उठाए ।

उनले भनेका छन्, हामीले प्रधानमन्त्रीय पद्धति अभ्यास गरेका छौँ । यसको मतलब राष्ट्रपतिद्वारा वाचन गरिएको नीति तथा कार्यक्रम रूपमा सरकारको तर सारमा प्रधानमन्त्रीको अवधारणा मानिन्छ । त्यस सम्बन्धी उठेका प्रश्नमा स्वयं अवधारणाकारको अलवा अरू कसले चित्तबुझ्दो जवाफ दिनसक्ला र ? प्रधानमन्त्री संसद्प्रति उत्तरदायी हुनु भनेको संसद्मा भाग लिने, छलफलमा उठेका सवाललाई स्पष्ट पार्ने, संसद्को निर्णय र निर्देशन पालना गर्ने गराउने कुरा हो र यसलाई प्रधानमन्त्रीले आफÞनो कर्तव्य र दायित्वका रूपमा बुझ्नु पर्दछ । तर हाम्रा प्रधानमन्त्री यो संवैधानिक तथा पदीय दायित्वबाट किन भाग्न खोजिरहनु भएको छ  ?

प्रधानमन्त्रीय प्रणालीमा राष्ट्रपतिद्वारा प्रस्तुत नीति तथा कार्यक्रम सरकारको भए पनि सारमा प्रधानमन्त्रीकै अवधारणा हुने जिकिर गरे । प्रधानमन्त्री संसद्प्रति उत्तरदायी हुनु भनेको संसद्मा उपस्थित हुने, छलफलमा उठेका प्रश्नको स्पष्ट जवाफ दिने तथा संसद्का निर्णय र निर्देशन कार्यान्वयन गर्ने दायित्व भएको बताए ।