वाणिज्य बैंकहरुको नयाँ ब्याजदर सार्वजनिक
जेठ महिनाका लागि वाणिज्य बैंकहरुले नयाँ ब्याजदर सार्वजनिक गरेका छन् । वैशाखको तुलनामा वाणिज्य बैंकहरुको औषत ब्याजदर घटेको छ । बैंकहरुले सार्वजनिक गरेको नयाँ ब्याजदर अनुसार व्यक्तिगत मुद्दती निक्षेपको अधिकतम ब्याजदर औषतमा ४.३४ प्रतिशत विन्दुमा झरेको छ । जबकी यस्तो ब्याजदर वैशाख महिनामा ४.४ प्रतिशत विन्दुमा थियो ।
संस्थागत मुद्दती निक्षेपको ब्याजदर पनि घटेको छ । वैशाखमा ३.२२ प्रतिशत रहेको यस्तो ब्याजदर जेठमा ३.२० प्रतिशत कायम भएको हो । सञ्चालनमा रहेका २० वाणिज्य बैंकमध्ये ५ बैंकले ब्याजदर घटाएका छन् । ब्याजदर घटाउने बैंकहरुमा स्ट्याण्डर्ड चार्टर्ड बैंक, कुमारी बैंक, एनआईसी एशिया बैंक, हिमालयन बैंक र नेपाल बैंक रहेका छन् । सिद्धार्थ बैंक र सिटिजन्स बैंकले भने जेठका लागि ब्याजदर बढाएका छन् । अन्य बाँकी वाणिज्य बैंकले वैशाखकै ब्याजदरलाई निरन्तरता दिएका छन् ।
कुनमा पाइन्छ सबैभन्दा बढी ब्याज ?
