क–कसलाई भेटे अमेरिकी विदेशमन्त्री कपुरले
दक्षिण एसिया मामिलासम्बन्धी अमेरिकी सहायक विदेशमन्त्री समीर पल कपुर नेपाल भ्रमण पूरा गरेर स्वदेश फर्केका छन् ।
अमेरिकी मन्त्रीले अस्ति मध्यान्ह रास्वपा सभापति रवि लामिछानेसँग उनको बूढानीलकण्ठ नजिकै रहेको निवास पुगेर भेट गरेका थिए । हिजो बिहान पहिले परराष्ट्रमन्त्री शिशिर खनाल र पछि अर्थमन्त्री स्वर्णिम वाग्लेसँग मन्त्रालय पुगेर भेटे । अस्ति बिहान अमेरिकी दूतावास गए भने दिउँसो पाटन दरबार स्क्वाएरको भ्रमण गरे ।
हिजो बिहान मन्त्रीहरुलाई भेटेपछि उनी सिंहदरबारबाट सोझै मध्यान्हको समयमा बौद्ध स्तुपा पुगेका थिए । ती सबै भेटघाटमा अमेरिकी कार्यवाहक राजदूत स्कट उर्बम पनि सहभागी भएका थिए ।
रास्वपा सभापति लामिछाने, परराष्ट्रमन्त्री खनाल र अर्थमन्त्री वाग्लेसँग भएका भेटबारे उनै कपुरले सामाजिक सञ्जालबाट औपचारिक जानकारी मात्रै दिएका छन् ।
