नेताको घरमा जलेको पैसाबारे अनुसन्धान हुनुपर्छ : गगन
नेपाली कांग्रेसका सभापति गगन थापाले अहिले चर्चामा रहेका भ्रष्टाचारको सबै काण्डहरूबारे छलफल हुनुपर्ने बताएका छन् । पार्टीको केन्द्रीय समिति बैठकलाई सम्बोधन गर्दै काण्डहरूलाई आरोप प्रत्यारोपको विषय नबनाई छानबिन गर्नुपर्ने बताए । कानुन संम्वत ढङ्गले अनुसन्धान गरेर गलत काम गर्नेहरूलाई कारबाही गर्नुपर्ने बताए । उनले कुनै पूर्वाग्रह नराखी यस्ता काण्डहरूको छानबिन गर्नको लागि कांग्रेसको साथ रहने बताए ।
‘यसको भारी पार्टीले बोल्न सक्दैन । जसले गरेको छ उसले त्यसको भारी बोल्नुपर्छ। गिरीबन्धु, वाइडबडी, ललिता निवासको पनि छानबिन गर्नुपर्छ । उनले पार्टीका पूर्व सभापति शेरबहादुर देउवा निवासलाई संकेत गर्दै भने, ‘यीबाहेक भदौ २४ गते नेताको घरमा भेटिएको र जलेको पैसाबारे अनुसन्धान हुनुपर्छ ।
