ताप्लेजुङमा एमालेका क्षितिज थेबे विजयी
प्रतिनिधिसभा सदस्यका लागि ताप्लेजुङबाट नेकपा (एमाले)का उमेदवार क्षितिज थेबे विजयी भएका छन् । नेपाली कांग्रेसका गजेन्द्रप्रसाद तुम्याहाङलाई दुई हजार २५१ मतले पराजित गर्दै विजयी भएका हुन् ।
थेबेले १३ हजार ९६२ मत प्राप्त गर्दा तुम्याहाङले ११ हजार ७११ मत प्राप्त गरे । थेबे कोसी प्रदेशबाट निर्वाचित हुने एमालेका पहिलो सांसद पनि बनेका छन् ।
नेकपाका खेलप्रसाद बुढाक्षेत्री ६ हजार ७७५ मतसहित तेस्रो हुँदा श्रम संस्कृति पार्टीका सन्तोष राई पाँच हजार २०९ मतसहित चौथो र राष्ट्रिय स्वतन्त्र पार्टीकावीरेन्द्र श्रेष्ठ चार हजार १५५ मतसहित पाँचौँ स्थानमा रहेका छन् । निर्वाचन आयोगले भने औपचारिक रूपमा घोषणा गर्न बाँकी रहेको छ ।
