धनकुटाबाट एमालेका राजेन्द्र राई विजयी
धनकुटामा राजेन्द्र राई तेस्रो पटक विजयी हुँदै ह्याट्रिक गरेका छन् । नेकपा एमालेका उम्मेदवार राईले ७४, ७९ र ८२ मा लगातार विजयी भएर ह्याट्रिक गरेका हुन् ।
फागुन २१ मा सम्पन्न प्रतिनीधि सभा निर्वाचनको अन्तिम मत परिणाममा उनले १८ हजार २३२ मत प्राप्त गरे । निकटतम प्रतिस्पर्धी नेपाली कांग्रेसका दिनेश राईले १४ हजार २५७ मत प्राप्त गर्दै दोस्रो स्थानमा सीमित भएका छन्।
मुख्य निर्वाचन अधिकृतको कार्यालयले सार्वजनिक गरेको मतपरिणामअनुसार राईले करिब चार हजार मतको अन्तरले जित निकाल्दै धनकुटामा एमालेको प्रभाव कायम राखेका छन् ।
