नेपालमा कुनै पनि आवरणमा मिसाइलको धुँवा प्रवेश नगरोस् : ओली
नेकपा एमालेका अध्यक्ष केपी शर्मा ओलीले नेपालमा कुनै पनि आवरणमा मिसाइलको धुँवा प्रवेश नगरोस् भनेका छन् । मध्यपूर्वमा भइरहेको मिसाइल आक्रमणका विषयलाई लिएर ओलीले यस्तो कामना गरेका हुन् ।
मध्यपूर्वमा भएका लाखौँ नेपाली आपत र कोलाहलमा भएकाले उनीहरुका परिवार पलपल छट्पटाएर बस्नु परेको अध्यक्ष ओलीको भनाइ छ । ‘मध्यपूर्वी देशहरु माथीको आकाशबाट बर्सिएका मिसाइलको धुवाँको दृष्यले आज निद्रा परेको छैन । ती देशमा लाखौँ नेपाली आपत र कोलाहलमा छन्, अध्यक्ष ओलीले लेखेका छन्, ‘तिनका परिवारले यहाँ पलपल छट्पटाएर बस्नु परेको छ ।
अवसर छनौटकाल लागि खुला विश्वमा आज संसारका नागरिक संसारैभरी आउनु जानु स्वभाविक भएको अध्यक्ष ओलीको भनाइ छ । ‘अस्वाभाविक र खतरनाक त कुरा युद्ध र भूराजनीतिक चपेटा हो, अध्यक्ष ओलीले लेखेका छन्, ‘ती देशहरु पनि पक्कै युद्ध चाहदैँन थिए । तर शक्तिको स्वार्थ घुसेपछि विवश हुनुपर्ने ।
अध्यक्ष ओलीले नेपालमा अहिलेसम्म सौभाग्यवश मिसाइलको धुँवा भोग्नु नपरेको उल्लेख गरेका छन् । ओलीले सबैलाई सजगता र धैर्यता लिन आह्वान गरेका छन् ।
