नेकपा केन्द्रीय सदस्यसहितका नेता-कार्यकर्ता एमालेमा फर्किए



हाम्रो इकोनोमि

 

 

फागुन २१ मा हुने निर्वाचन नजिकिँदै जाँदा अछाम क्षेत्र नम्बर १ को राजनीतिक माहोल झनै तातिएको छ । यहाँ नेपाली कम्युनिस्ट पार्टी (नेकपा) का तर्फबाट भीम रावल ,नेपाल कम्युनिस्ट पार्टी (एमाले) का उम्मेदवार दिपक साउँद र नेपाली कांग्रेस का उम्मेदवार भरतकुमार स्वाँर बीच कडा प्रतिस्पर्धा हुने विश्लेषण छ ।

तर,निर्वाचन नजिकिँदै गर्दा आफ्नै पार्टीकी केन्द्रीय सदस्य तथा सुदूरपश्चिम प्रदेशकी पूर्व राज्यमन्त्री मना कुमारी साउँदसहित ७५ भन्दा बढी नेता तथा कार्यकर्ता एमालेमा फर्किएपछि रावललाई चुनौती थपिएको छ । उनीहरूले सामूहिक राजीनामा दिँदै “घर” फर्किएको बताएका छन् ।

२०७४ सालको निर्वाचनमा एमालेबाट समानुपातिक उम्मेदवार बनेकी साउँद पछि नेकपा एकीकृत समाजवादी हुँदै नेपाली कम्युनिस्ट पार्टीकी केन्द्रीय सदस्य बनेकी थिइन् । नेकपा एकीकृत समाजवादी रहँदा उनी सुदूरपश्चिम प्रदेशको सामाजिक विकास राज्यमन्त्री थिइन् । उनले मुलुकको समृद्धि र विकास एमालेबाट मात्रै सम्भव हुने निष्कर्षसहित पुनः एमालेमा फर्किएको बताएकी छन् ।

एमालेका केन्द्रीय सदस्य तथा अछाम जिल्ला इन्चार्ज झपट बोहराले पूर्व राज्यमन्त्रीसहित प्रभावशाली नेता–कार्यकर्ता पार्टीमा फर्कनु एमालेका लागि सकारात्मक सङ्केत भएको बताए । पार्टीमा समाहित हुने सबैलाई स्वागत गर्दै उनले अछाममा एमालेप्रतिको जनसमर्थन बढ्दै गएको दाबी गरे । एमालेले आज चौरपाटीबाट आमसभा सुरु गर्ने तयारी गरेको छ । एमालेमा समाहित भएका नेता–कार्यकर्ता आजदेखि नै चुनावी अभियानमा सक्रिय हुने बोहराले जानकारी दिए ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...