क्यानडामा विद्यालय र घरमा अन्धाधुन्ध गोली प्रहार
क्यानडामा भएको भीषण सामूहिक गोलीकाण्डमा कम्तीमा नौ जनाको ज्यान गएको छ । सीएनएनले प्रहरीलाई उदृत गर्दै एकै व्यक्तिले विद्यालय र त्यसपछि एउटा आवासीय घरमा गोली चलाउँदा बालबालिकासहित धेरैको मृत्यु भएको जनाएको छ ।
गोलीकाण्ड स्थानीय समयअनुसार बिहान सुरू भएको थियो । आक्रमणकारीले पहिले एक विद्यालय परिसरमा अन्धाधुन्ध गोली चलाएको र त्यसपछि नजिकैको घरमा पुगेर पुनः गोली प्रहार गरेको बताइएको छ । आक्रमणकारी एकजना महिला थिइन् ।
घटनामा शिक्षक, विद्यार्थी र सर्वसाधारण परेका छन् । केही घाइतेको अवस्था गम्भीर रहेकाले मृतक संख्या अझै बढ्न सक्ने प्रहरीको आशंका छ । घटनापछि विद्यालय क्षेत्र पूर्ण रूपमा सिल गरिएको थियो भने अभिभावक र स्थानीयवासीबीच त्रास फैलिएको छ । प्रहरीले आक्रमणकारीलाई घटनास्थल नजिकै नियन्त्रणमा लिएको जनाएको छ ।
