राजन भट्टराई नै काठमाडौं ४ मा एमालेका उम्मेदवार
कांग्रेस सभापति गगन थापाले सर्लाही ४ मा प्रतिनिधिसभा सदस्यमा उम्मेदवारी दिने भएपछि उनले यसअघि चुनाव जित्दै आएको काठमाडौं ४ मा एमालेले डा. राजन भट्टराईलाई उम्मेदवार बनाएको छ ।
एमाले काठमाडौं जिल्ला कमिटीका सचिवालय सदस्य ध्रुवराज न्यौपानेका अनुसार मनोनयन पत्र दर्ताका लागि डा. भट्टराईलाई लिएर पार्टी कार्यकर्ता निर्वाचन कार्यालय जाँदैछन् । थापा काठमाडौं ४ बाटै उम्मेदवार हुने चर्चाका कारण एमालेसहित अन्य दलले त्यहाँको उम्मेदवारी टुंगो लगाएका थिएनन् ।
स्वयं डा. भट्टराई उम्मेदवारीबाट पन्छिँदै आएका थिए । तर, थापा सर्लाही गएर उक्त क्षेत्रमा नेपाली कांग्रेसले कन्टेन्ट क्रिएटर एवं युथ कांग्रेसका अभियन्ता सचिन तिमल्सिनालाई उम्मेदवार बनाउने निर्णय गरेको छ । अब उक्त क्षेत्रमा एमाले सचिव एवं राजधानी प्रदेशका इञ्चार्ज डा. भट्टराई सहित तिमल्सिना र रास्वपा उम्मेदवार पुकार बमबीच त्रिपक्षीय भिडन्त हुने भएको छ ।
