विशेष महाधिवेशन अवैध भएको संस्थापनको निष्कर्ष
नेपाली कांग्रेसका कार्यवाहक सभापति पूर्णबहादुर खड्काले विशेष महाधिवेशन पक्षधर नेताहरूलाई पार्टी एकताको पक्षमा उभिन आह्वान गर्ने भएका छन् ।
सभापति शेरबहादुर देउवा निवासमा बसेको संस्थापन पक्षको पदाधिकारी र पूर्वपदाधिकारी बैठकमा देउवाले खड्कालाई आह्वान गर्न निर्देशन दिएका हुन् ।
खड्काले केहीबेरमा पार्टी एकताको पक्षमा उभिन महाधिवेशन पक्षधरलाई आह्वान गर्ने तयारी गरेका छन् ।
महामन्त्रीद्वयले आह्वान गरेको विशेष महाधिवेशन अवैधानिक भएको संस्थापन पक्षको निष्कर्ष छ । सभापति देउवाले आजै आफूनिकट केन्द्रीय सदस्यहरूसँग पनि छलफल गर्दै छन् ।
