देउवा नेतृत्वको कार्यसमिति भङ्ग‍, निर्वाचनमा जाने तयारी



हाम्रो इकोनोमि

 

 

 

नेपाली कांग्रेसले विशेष महाधिवेशनको बन्दसत्रमा पेस भएको ‘विशेष महाधिवेशन कार्यविधि–२०८२’ पारित भएको छ । जारी बन्दसत्र हलले पारित गरेको हो । कार्यविधि पारित भएसँगै नयाँ नेतृत्व चयन गर्ने बाटो खुलेको छ । कार्यविधिमा सभापति शेरबहादुर देउवा नेतृत्वको कार्यसमितिको म्याद सकिएकाले भङ्‍ग गर्ने र १५ औँ महाधिवेशन नभएसम्मका लागि नयाँ नेतृत्व चयन गर्ने उल्लेख छ ।

कार्यविधिमा भनिएको छ, नेपाली कांग्रेसको चौधौं महाधिवेशन २०७८ (मंसिर २४ देखि २८) बाट निर्वाचित मौजुदा केन्द्रीय कार्यसमितिको पदावधि समाप्त भइसकेकाले केन्द्रीय कार्यसमितिको विघटन गर्ने र नेपाली कांग्रेसको १५ औ महाधिवेशन सम्पन्न नहुँदा सम्मका लागि नँया केन्द्रिय कार्यसमितिको निर्वाचन गर्ने ।

नेपाली कांग्रेसको चौधौं महाधिवेशन पश्चात नेपाली कांग्रेसको विधान, २०१७ (संशोधन सहित) बमोजिम विभिन्न मितिमा गठित केन्द्रीय निर्वाचन समिति, केन्द्रीय अनुशासन समिति र केन्द्रीय लेखा समिति समेतको विघटन गर्ने पनि उल्लेख छ ।

विशेष केन्द्रीय महाधिवेशनवाट केन्द्रीय कार्यसमितिको निर्वाचन सम्पन्न गर्न विधानको धारा ३५ बमोजिम एक (१) जना संयोजक सहित पाँच (५) सदस्यीय निर्वाचन समिति गठन, विशेष केन्द्रीय महाधिवेशनले गरेको निर्णय प्रमाणित गर्नका लागि संयोजक सहित ५ सदस्यीय निर्णय प्रमाणीकरण समिति गठन गर्ने उल्लेख छ ।

केन्द्रीय कार्य समिति र केन्द्रीय कार्य सम्पदान समितिले गरेका निर्णयहरुको पुनरावलोकन, सुधार र आवश्यक देखिएमा उक्त समितिका निर्णयहरु निष्क्रिय तथा खारेजी, पुस २७ र २८ गते बोलाइएको विशेष केन्द्रीय महाधिवेशन वैधानिक रहेको भनी अनुमोदन समेत गरेको छ ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...