१० दिनभित्र सर्वपक्षीय सरकार गठन नभए सडक संघर्षमा जान्छौँ : विप्लव
नेकपा माओवादीका महासचिव नेत्रविक्रम चन्द विप्लवले आफूहरूले अघि सारेको १३ बुँदे माग सम्बोधन भए सडक संघर्षमा जाने चेतावनी दिएका छन् । नवौँ केन्द्रीय समितिको चौथौँ विशेष बैठकलाई सम्बोधन गर्दै आफूहरूले शान्तिपूर्ण आन्दोलन गर्ने बताए ।
उनले सर्वपक्षीय सरकारको मागबाट आफूहरू पछि नहट्ने भन्दै उनले भने, हामी १० दिन कुर्नेछौँ, यदि बेवास्ता गरियो भने जनता र जेनजीको समर्थनमा आन्दोलन सुरु गर्नेछौँ । नयाँ संविधान जारी भए पनि जनताका अधिकारहरू अझै अपूर्ण रहेको बताए ।
उनले थपे, हामी समाजवादी सङ्घीयता को पक्षमा छौँ र सबै नागरिकले राज्यमा स्वामित्व महसुस गर्ने गरी राज्य संरचना पुनःसंरचना हुनुपर्छ ।
उनले भ्रष्टाचारको छानबिन गरेर सम्पत्तिको राष्ट्रियकरण गरेर दोषीलाई जन्मकैदसम्मको फैसला गर्नुपर्ने माग आफूहरूले अघि सारेको बताए । हिजो राष्ट्रपतिलाई ज्ञापन पत्र बुझाउँदै पार्टीले सुशीला कार्की नेतृत्वको अन्तरिम सरकार भंग गरी सर्वपक्षीय सरकार बनाउन माग गरेको थियो ।
