महाधिवेशन रोक्न खोजे विशेष महाधिवेशन : गगन थापा
नेपाली कांग्रेसका महामन्त्री गगन थापाले पार्टी महाधिवेशन रोक्ने काम भए देशभरका कार्यकर्ताहरु आएर विशेष महाधिवेशन हुनसक्ने बताएका छन् ।
काठमाडौँमा आफ्नो निर्वाचन क्षेत्रमा कार्यकर्ता भेटघाटमा उनले भने, महाधिवेशन रोक्ने खेल भए विशेष महाधिवेशन माग गर्ने काम भइसकेको छ, त्यसैको आधारमा नेता कार्यकर्ता आएर नेतृत्व बदल्न सक्छ, यसैले महाधिवेशन सार्ने काम नगरौँ ।
उनले भने, असोजमा बैठक हुँदा महाधिवेशन गरौँ भन्दा नेताहरु मान्नु भएन, अहिले महाधिवेशन भइसक्थ्यो, अहिले फेरि महाधिवेशन हुनसक्दैन भन्नु सफा बाटोमा पानी खन्याएर बनाए र फोहोर भयो भनेजस्तै हो ।
