ओलीमाथि लगाइएका आरोपले राज्यसंयन्त्र ध्वस्त हुन्छ – रामकुमारी झाँक्री

हाम्रो इकोनोमि

 

 

 नेकपा एमालेकी नेतृ रामकुमारी झाँक्रीले भदौ २३ गतेको घटनाका सम्बन्धमा पूर्वप्रधानमन्त्री केपी शर्मा ओलीमाथि हत्यासम्बन्धी आरोप लगाउने प्रयास राज्यका लागि गम्भीर जोखिम भएको टिप्पणी गर्नुभएको छ । जेन–जी आन्दोलनमा भएका घटनाका लागि पूर्वप्रधानमन्त्रीलाई कानुनी कारवाही गर्ने वा आपराधिक अभियोग लगाउनु खोज्नु भनेको नेपालको राज्यसंयन्त्रलाई ध्वस्त पार्नु हो’ सामाजिक सञ्जालमा उहाँले लेख्नुभएको छ ।

सो घटनाको राजनीतिक र नैतिक जिम्मेवारी तत्कालीन प्रधानमन्त्रीमाथि जाने भए पनि कानूनी र आपराधिक अभियोग लगाएर सरकारको संरचनालाई कमजोर पार्ने प्रयास उचित नभएको उहाँले उल्लेख गर्नुभएको छ । उहाँले संसद जस्तो संवेदनशील स्थानमा अचानक जोखिम बढेको अवस्थामा भिड नियन्त्रण गर्न सुरक्षाकर्मीले गोली चलाउँदा भएको क्षतिलाई लिएर प्रधानमन्त्रीलाई आपराधिक दायरामा तान्नु उचित नहुने बताउनुभएको छ ।

भविष्यमा पनि त्यस्ता आन्दोलन र अप्रिय घटना दोहोरिन सक्ने भएकाले आजका प्रधानमन्त्री र गृहमन्त्री पनि त्यही दायरामा फस्नुपर्ने स्थिति आउने हो कि भन्ने प्रश्नसमेत उठाउनुभएको छ । झाँक्रीले आवश्यकताको सिद्धान्त भन्दै कानूनको मनपरी व्याख्या गर्ने प्रवृत्ति खतरनाक भएको भन्नुभएको छ ।

झाक्रिले लेख्नुभएको छ –

भाद्र २३ गतेको घटनाको प्रमुख राजनीतिक, नैतिक जिम्मेबारी तत्कालीन प्रधानमन्त्रीमा जान्छ । त्यसैले त उहाँले भाद्र २४ मा राजिनामा दिनु भएको हो।तर यी घटनाका लागि पूर्व प्रमलाई कानुनी कारवाही गर्ने वा आपराधिक अभियोग लगाउनु खोज्नु भनेको नेपालको राज्यसंयन्त्रलाई ध्वस्त पार्नु हो ।

संसद जस्तो संवेदनशील स्थानमा अप्रत्याशित ढंगले उत्पन्न जोखिमको अवस्थामा भिडलाई नियन्त्रण गर्न सुरक्षामा तैनाथ सुरक्षा कर्मीले गोली चलाउँदा पुगेको क्षतिलाई लिएर तत्कालीन प्रमलाई हत्याको अभियोग लगाउने र मुद्दा चलाउने हो भने राज्यको वैधानिकता र कोएर्सिव(पावर कहाँ पुग्छरु

अझै पनि यस्ता आन्दोलन हुन सक्छन् । अप्रिय घटना घट्न सक्छन्। के त्यस्तो अवस्था निर्माण भयो भने अहिलेका प्रम र गृहमन्त्री हत्या अभियोगका लागि तयार छन्रु फौजदारी अपराधको दायराभित्र यो पर्छ र ? अब त के यो सरकार जस्तै कानुन पनि तत्काल  आवश्यकताको सिद्धान्त” कै नाममा मनपरी व्याख्या हुने अभ्यास गर्न खोजेको हो  ?

पूर्व प्रमलाई हत्याको अभियोग लगाउने ‘रोमाञ्चकारी’ कुरा ले एकै छिन रमझम देला, तर यस्ता कथ्यले नेपालको राज्य प्रणाली उठ्नै नसक्ने गरी थला पर्नेछ । राज्यसंयन्त्रको शक्ति, वैधता र विश्वसनीयता तीब्र गतिमा ओरालो लाग्नेछ । यस्तो बेला पार्टी भित्रका र बाहिरका सबै मान्छेहरूले यतातर्फ सोच्नु पर्दैन ?