एमाले संसदीय दलको बैठक बस्दै
नेकपा एमालेका विघटित प्रतिनिधि सभाका सांसदहरुको आज बैठक बस्दैछ । दिउँसो १ बजे पार्टी कार्यालयमा बैठक बस्ने विघटित प्रतिनिधि सभामा नेकपा एमालेका प्रमुख सचेतक महेश बर्तौलाले बताए ।
उनले भने, ‘हाम्रो पार्टीले प्रतिनिधि सभा विघटन असंवैधानिक भनेको छ तर यसको संवैधानिक र कानूनी परीक्षणमा हामी गएका थिएनौँ, यसबारे आजको बैठक केन्द्रित हुनेछ ।
उनले संसद विघटन असंवैधानिक भन्दै एमालेले विभिन्न चरणका जनपरिचालन भइरहँदा अदालतमा भने यो विषय प्रवेश नभएको भनेर नागरिक समाज र प्रवुद्ध वर्गबाट सुझाव आएकाले निष्कर्षमा पुग्न बैठक डाकिएको बताए ।
यो विषयलाई लिएर अदालत जाने किन नजाने भन्नेमा छलफल केन्द्रित हुनेछ, बर्तौलाले भने, असंवैधानिक भनिरहँदा अदालतमा यो विषय प्रवेश किन गराइएन भन्ने आमनागरिक, नागरिक समाज र प्रवुद्ध वर्गको चासोबारे एमाले एउटा निष्कर्षमा पुग्ने छ ।
