झलनाथ-घनश्यामको बिहीबार विशेष घोषणा

प्रदेश, जिल्ला र क्षेत्रीय कमिटीका अध्यक्ष, जनसंगठनका पदाधिकारी र पालिका कमिटीका अध्यक्षलाई पनि भृकुटीमण्डपमा उपस्थित हुन सूचना जारी गरेको छ । झलनाथ-घनश्याम पक्षले त्यही समयमा आफू पक्षका सबैलाई त्रिपुरेश्वरमा बोलाएको हो ।

उक्त समूहका नेता धर्मराज निरौलाका अनुसार बिहीबार कस्तो र कसरी नयाँ पार्टी बनाउने भन्ने विषयबारे जानकारी दिँदै राष्ट्रिय कार्यकर्ता भेलाको मिति घोषणा गरिने भएको छ । त्यस्तो भेला कात्तिकभित्रै आयोजना गरिने भएको उनले बताए ।

सोही समूहमा एमाले फर्किने पक्षका नेता रहेकोबारे प्रश्न गर्दा निरौलाले भने, ‘अहिल्यै एमालेमा गइहालौँ भन्ने रामकुमारी, किसानजीहरू अलिक पहिलेदेखि नै त्यो लाइनमा हुनुहुन्थ्यो, हामीचाहिँ कम्तीमा एमालेको महाधिवेशनअगाडि जाने वा कुरा गर्ने भन्नेमा छैनौँ ।

एमाले महाधिवेशनपछि आउने नयाँ नेतृत्वसँग आवश्यक वार्ता, संवादको माध्यमबाट एकता, सहकार्य वा कसरी निकटता बढाउन सकिन्छ भन्नेबारे कुरा गरिने उनको भनाइ छ ।

पछिल्लो समय एमाले फर्किने विषयमा झलनाथ खनालले चार शर्त सार्वनिक गरेपछि खनाल र घनश्याम भुसालबीच केही फाटो उत्पन्न भएको विषयमा प्रश्न गर्दा निरौलाले भने, फाटो नै त उत्पन्न भएको होइन, अलिअलि कन्फ्युजनमात्रै भएको हो, क्लियर भइसक्यो । उनका अनुसार, खनाललाई अभिभावक बनाउने र पार्टीको नेतृत्व भुसालले गर्ने कुरामा सहमत भएर खनाल पनि सोही समूहमा रहेका छन् ।