उपचारका लागि देउवा सिंगापुर जाने, पूर्णबहादुरलाई कार्यवाहक
नेपाली कांग्रेसका सभापति शेरबहादुर देउवाले उपसभापति पूर्णबहादुर खड्कालाई कार्यवाहक सभापतिको जिम्मेवारी दिने भएका छन् । आज पार्टी कार्यालय सानेपा बसेको केन्द्रीय समिति बैठकबाट देउवाले खड्कालाई कार्यवाहक सभापतिको जिम्मेवारी दिँदै छन् ।
कार्यवाहकको मस्यौदा पत्र तयार भइसकेको र आजै सम्बोधन गरेर औपचारिकता दिने वार्तामा सहभागी नेताले बताए । देउवा सम्भवतः भोलि नै उपचारका लागि सिंगापुर गएपछि बाँकी बैठक पनि खड्काले नै चलाउनेछन् । खड्का कार्यवाहक भएरै कांग्रेस महाधिवेशनमा जाने सम्भावना पनि बुझिएको छ ।
जेनजी आन्दोलनका क्रममा प्रदर्शनकारीको आक्रमणबाट घाइते भएका देउवा दम्पती थप उपचारको लागि सिंगापुरमा जाने तयारी गरेका छन् ।
