विद्या भण्डारी एमालेको नेता हुन : ईश्वर पोखरेल
नेकपा एमालेका वरिष्ठ उपाध्यक्ष ईश्वर पोखरेलले पूर्वराष्ट्रपति विद्या भण्डारीलाई एमालेको नेताका रूपमा सम्बोधन गरेका छन् । भण्डारीको सम्पर्क कार्यालय उद्घाटन समारोहलाई सम्बोधन गर्दै पोखरेलले एमालेकी पूर्वउपाध्यक्षको रूपमा सम्बोधन गरेका हुन् ।
उनले झट्ट हेर्दा सानो कार्यक्रम भएपनि महत्त्वपूर्ण सन्देश दिने बताए । एमालेले भण्डारीको सदस्यता नवीकरण नगरेर पूर्वराष्ट्रपतिकै हैसियतमा सम्मान दिने निर्णय गरेको थियो । तर, त्यो निर्णयप्रति असन्तुष्ट पोखरेलले भण्डारीकै कार्यक्रममा पुगेर एमाले नेताको रूपमा सम्बोधन गरे ।
