लक्ष्मी आधारभूत विद्यालयलाई माछापुच्छ्रे बैंकद्वारा साउण्ड स्पिकर र कार्पेट हस्तान्तरण



हाम्रो इकोनोमि

 

 

माछापुच्छ्रे बैंक लिमिटेड पाल्पा शाखाले रिब्दिकोट गाउँपालिका–५ मा रहेको लक्ष्मी आधारभूत विद्यालयलाई साउण्ड स्पिकर र कार्पेट हस्तान्तरण गरेको छ । यो सहयोग बैंकको सामाजिक उत्तरदायित्व कार्यक्रम अन्तर्गत गरिएको हो । विद्यालयका विद्यार्थीको दैनिक एसेम्ब्ली तथा विभिन्न कार्यक्रम सञ्चालनमा सहजीकरण होस् र बालकक्षा सञ्चालनमा कार्पेट उपयोगी होस् भन्ने उद्देश्यले उक्त सामग्री हस्तान्तरण गरिएको बैंकले जनाएको छ ।

कार्यक्रमको अध्यक्षता विद्यालयका प्रधानाध्यापक मिना कुमारी पचभैयाले गरेका थिए भने प्रमुख अतिथिका रूपमा बैंकका शाखा प्रबन्धक बिक्रम राणा रहेका थिए । कार्यक्रममा बैंकका सञ्चालक प्रमुख शिवम पचभैया, कनिष्ठ सहायक सुमन पराजुली, बिरेन्द्र रावल, नारायण झेडी, विद्यालयका शिक्षक–शिक्षिका तथा विद्यार्थीहरूको उपस्थिति रहेको थियो ।

कार्यक्रम सञ्चालन ऋषिराम भुसालले गरेका थिए। प्रमुख अतिथि राणाले ग्रामीण विद्यालयलाई सहयोग गर्न पाउँदामा खुशी व्यक्त गर्दै आगामी दिनमा यस्ता कार्यक्रम निरन्तर गर्ने प्रतिबद्धता जनाए । विद्यालयका प्रधानाध्यापक पचभैयाले यस किसिमको सहयोग पहिलो पटक प्राप्त भएको भन्दै बैंकलाई धन्यवाद ज्ञापन गरे ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...