पठनपाठन राेकिएपछि इन्जिनियरिङका विद्यार्थीको प्रदर्शन
त्रिविको कारण पठनपाठन ठप्प भएको भन्दै इन्जिनियरिङका विद्यार्थीहरुले प्रदर्शन गरेका छन् । इन्जिनियरिङका विद्यार्थीहरुले आज त्रिवि परिसरमा कालोपट्टि बाँधेर त्रिविविरुद्ध प्रदर्शन गरेका हुन् ।इन्जिनियरिङ अध्ययन संस्थानको स्वायत्तताको माग गर्दै इन्जिनियरिङ क्याम्पसका प्राध्यापकहरुले सम्पूर्ण शैक्षिक गतिविधिहरु ठप्प पारेपछि विद्यार्थीहरु आन्दोलन गर्न त्रिवि पुगेका हुन् ।
प्राध्यापकहरुले इन्जिनियरिङ अध्ययन संस्थानमा २०५५ सालदेखि कार्यान्वयनमा रहेका विकेन्द्रीकरण र स्वायत्तताको निरन्तर सुनिश्चित गर्नुपर्ने र संस्थाको आर्थिक, शैक्षिक र प्रशासनिक स्वायत्ततामाथि गरिने कुनैपनि प्रकारको हस्तक्षेप तुरुन्त खोज गर्नुपर्ने माग राख्दै २० दिनदेखि पठन पाठन ठप्प पारेका छन् ।
इन्जिनियरिङ अध्ययन संस्थान अन्तर्गत विभिन्न पदमा कार्यरत पदाधिकारीले सामूहिक स्वेच्छिक राजीनामामा समेत दिएका छन् । जसको असर विद्यार्थीको पठनपाठनमा परेको छ । प्राध्यापकहरुको माग सुनुवाइ गरेर छिटाे पढाइ सुचारु गर्न उनीहरुकाे माग छ ।
