रामकुमारी झाँक्रीलाई पार्टीबाट निष्कासित गर्ने तयारी

 

 

नेकपा एसको सचिवालय बैठकमा स्थायी कमिटी सदस्य रामकुमारी झाँक्रीले अध्यक्ष माधव नेपालविरुद्ध दिएको विस्फोटक अभिव्यक्तिले प्रवेश पाएको छ । बैठकमा अधिकांश नेताले झाँक्रीले बोल्नै नहुने कुरा बोलेको भन्दै पार्टीबाटै निकाल्नुपर्ने नेतृत्वलाई दबाब दिएको स्रोतले बतायो ।

पार्टीनिकट युवाको लुम्बिनी प्रदेशस्तरीय कार्यक्रममा झाँक्रीले ‘सिनो बोकेर हिँड्न नसकिने’ भन्दै अर्ली महाधिवेशनमार्फत नेतृत्व परिवर्तन गर्नुपर्ने बताएकी थिइन् । नेकपा एसकी उपाध्यक्ष जयन्तीकुमारी राईले झाँक्रीले बोलेको कुरालाई लिएर प्राय: सबै नेताले आपत्ति जनाएको बताएकी छन् ।

अध्यक्ष माधव नेपालले भने राजनीतिक विषयमा कुरा गरेको तर, यो विषयमा केही नबोलेको सहभागी एक नेताले बताए । महासचिव घनश्याम भुसालको स्वास्थ्य समस्या कारण देखाउँदै आजको बैठक स्थगित गरिएको छ । 

प्रकाशित मिति : १९ असार २०८२, बिहिबार  ११ : १५  बजे