नेतृत्वको बारेमा अहिले बहस नगरौ : नेता गौतम
नेकपा (एमाले)का स्थायी कमिटी सदस्य एवं प्रचार तथा प्रकाशन विभागका प्रमुख राजेन्द्र गौतमले विधान महाधिवेशन नीति र विधि बनाउने थलो भएकोले बहस अन्त नमोड्न आग्रह गरेका छन् ।
एमालेमा जारी नीति र नेतृत्वको बहसका सन्दर्भमा सामाजिक सञ्जालमार्फत धारणा सार्वजनिक गर्दै गौतमले यस्तो उल्लेख गरेका हुन् । गौतमले विधान महाधिवेशनबाट पारित विधि अनुसार राष्ट्रिय महाधिवेशनमा नेतृत्व चयन हुने बताए ।
‘विधान महाधिवेशन : विधि र नीति निर्माण गर्ने थलो हो, नेतृत्व निर्माण गर्ने थलो होइन’ गौतमले लेखेका छन्, ‘पारित विधि र नीति अनुसार राष्ट्रिय महाधिवेशनबाट तत् अनुरुप नेतृत्व निर्माण गरिनेछ । बहसलाई अन्यत्र नमोडौं ।
