कुलिङ पिरियडकै कारण निजामती कर्मचारी विधेयक रोकिएको होईन : मन्त्री गुप्ता
सङ्घीमा मामिला तथा सामान्य प्रशासनमन्त्री राजकुमार गुप्ताले कुलिङ पिरियडको व्यवस्थाका कारण सङ्घीय निजामती सेवा विधेयक नरोकिएको स्पष्ट पार्नुभएको छ । विनियोजन विधेयकका सन्दर्भमा उठेका जिज्ञासाहरूको जवाफ दिने क्रममा उहाँले संसदमा विरोधका कार्यक्रमहरू चलिरहेको तथा आफ्नो मन्त्रालयमा महत्त्वपूर्ण कार्यक्रम परेका कारण असार ३ गतेको कार्यसूचीबाट हटाइएको स्पष्ट गर्नुभएको हो ।
‘मेरो मन्त्रालयको एउटा महत्वपूर्ण कार्यक्रम परेका कारण पूरै समय संसदलाई दिन नसक्ने अवस्था सृजना भएपछि आफ्ना सचेतकज्यूलाई जानकारी गराएर निस्किएको हुँ उहाँले भन्नुभयो विधेयकमा भएका कुनै व्यवस्था परिमार्जन गर्नका लागि विधेयक रोकिएको होइन । विगत नौ वर्षदेखि अलपत्र विधेयक ठूलो मेहनका साथ राज्य व्यवस्था तथा सुशासन समितिद्वारा बहुमतले पारित भएको स्मरण गराउनुहुँदै उहाँले विधेयक अब चाँडै अघि बढ्ने आश्वासन दिनुभएको छ ।
‘कुलिङ पिरियडका कारण विधेयक रोकिएको हो ? भन्ने अधिकांश सांसदहरूले उठाउनुभएको सवालको जवाफमा मन्त्री गुप्ताले भन्नुभयो, ‘कुलिङ पिरियड होइन ‘फुलस्टप–पूर्णविराम’ र ‘कमा–अल्पविराम’ पनि परिवर्तन हुँदैन । उहाँले विधेयकमाथि सर्वाधिक चासो व्यक्त गर्नुभएका सांसदहरूलाई धन्यवाद व्यक्त गर्नुभयो ।
