सरकार र यातायात व्यवसायीबीच वार्ता समिति बन्यो
सरकार र यातायात व्यवसायीबीच वार्ताका लागि समिति बनाइएको छ । गृहमन्त्रालयमा गृहमन्त्री, मुख्यसचिव, यातायात मन्त्रालयका सचिवसँगको छलफलमा वार्ता टोली बनाएर थप छलफल गर्ने सहमति बनेको हो ।
सोही अनुसार भौतिक पूर्वाधारका सहसचिवको संयोजकत्वमा सरकारी वार्ता टोली बनाइएको छ । सरकारी समितिमा विभिन्न मन्त्रालयका प्रतिनिधि राखिएको छ । साथै यातायात व्यवसायी तथा मजदुर संगठनको तर्फबाट यातायात व्यवसायी राष्ट्रिय महासंघका अध्यक्ष विजयबहादुर स्वाँरको नेतृत्वमा वार्ता टोली बनाइएको छ ।
व्यवसायी र मजदुरको तर्फबाट सबै घटकका अध्यक्ष वार्ता टोलीमा रहेको नेपाल यातायात स्वतन्त्र मजदुर संगठनका अध्यक्ष भिमज्वाला राईले बताए । उनका अनुसार अब खाना खाएपश्चात वार्ता सुरू हुनेछ । अनिश्चितकालीन बन्द थालेका यातायात व्यवसायीले विभिन्न ७ बुँदे माग अघि सारेका छन् ।
