बुढानिलकण्ठ नगर प्रहरी प्रमुखमा दिनेश देउजा नियुक्त
बुढानिलकण्ठ नगरपालिका प्रहरी प्रमुखमा दिनेश देउजा नियुक्त भएका छन् । खुल्ला प्रतिस्पर्धाबाट नगर प्रहरी निरीक्षक पदमा नियुक्त भएका देउजालाई दर्ज्यानी चिन्ह प्रदान गरिएको हो ।
नगरको सभाहलमा आयोजित कार्यक्रममा नगर प्रमुख मिठाराम अधिकारी, उप-प्रमुख अनिता लामा, प्रमुख प्रशासकीय अधिकृत अजय बर्तौला लगायतको उपस्थितिमा निरीक्षक देउजालाई दर्ज्यानी चिन्ह प्रदान गर्दै प्रहरी प्रमुख पदमा नियुक्त गरिएको हो । नेपाल प्रहरीबाट सेवामा प्रवेस गरेका बुढानिलकण्ठ -११ कपन निवासी देउजा सशत्र प्रहरी बलको निरीक्षक पदबाट सेवा निवृत भएका थिए ।
नगर प्रहरी निरीक्षक देउजाले आगामी दिनमा नगर भित्र हुने विभिन्न किसिमका सुरक्षा तथा अन्य गतिविधिमा सकृय ढंगले टोली परिचालन गर्ने बताए । विगतमा विभिन्न जिल्लाका बिपद् ब्यवस्थापन तथा अन्य जोखिमपूर्ण जिम्मेवारी सफल रुपमा निर्वाह गर्दै आएका देउजाले नगरको नेतृत्व सफल रुपमा निर्वाह गर्ने प्रतिबद्धता जनाएका छन् ।
