युवा संघमा थेबे र पुरीको प्यानल- नामसहित
नेकपा एमालेनिकट राष्ट्रिय युवा संघ नेपालको नयाँ नेतृत्वका लागि आज मतदान हुँदैछ । मतदानको समय बिहान ८ बजेदेखि अपरान्ह ४ बजेसम्म तोकिएको छ । तर, उम्मेदवारको प्रारम्भिक सूची ढिला आएको र दाबीविरोध बाँकी रहेकाले मतदानको समय धकेलिने निर्वाचन समितिले जनाएको छ ।अध्यक्षका लागि निवर्तमान अध्यक्ष क्षितिज थेबे र महासचिव सुमन पुरीले प्यानलसहित उम्मेदवारी दिएका छन् । पार्टी नेतृत्वले क्षितिज थेवेलाई अघि सारेको थियो । तर, पुरी ब्याक नसरेपछि चुनावबाट नेतृत्व चयन हुने भएको हो ।
नेताहरूले फकाउने, गलाउने, धम्क्याउने सबैखाल उपाय अपनाए पनि दाबेदारहरू टसमस नभएपछि सर्वसम्मत प्रयास विफल भयो । एमालेका जनसंगठनमध्ये पहिलोपटक युवासंघमा निर्वाचन भएको हो ।
कसको प्यानलमा को ?
निवर्तमान अध्यक्ष थेबेको पक्षबाट उपाध्यक्षमा महाराज गुरुङ र विनय शाहले उम्मेदवारी दिएका छन् । गुरुङ अध्यक्षका दाबेदार थिए । त्यस्तै थेवेको प्यानलबाट महासचिवमा महेश चौलागाई र उपमहासचिवमा उपेन्द्र शाहीको उम्मेदवारी परेको छ । क्षितिजको प्यानलबाट खुला सचिव मदन भण्डारी, देबु बस्नेत, महिला सचिवमा निशा लिम्बू र मधेशी सचिवमा मोबिन आलमले उम्मेदवारी दिएका छन् ।
त्यस्तै, आयोग अध्यक्षहरूमा लेखा आयोगमा किसुन जैशी, निर्वाचन आयोग मदन गिरी, अनुसशान आयोगमा मोहम्मद मिजाम र युवा विज्ञ परिषदमा चीन लामा तय भएका छन् ।
पुरीको टीमबाट उपाध्यक्षमा पर्वत भण्डारी र प्रकाश गौतमको उम्मेदवारी परेको छ भने महासचिवमा कुवेर अधिकारी र उपमहासचिवमा खेमराज शर्मा उम्मेदवार छन् । त्यस्तै सचिवमा खुलातर्फ ध्रुव खड्का र अरुण कुँवरको उम्मेदवारी परेको छ भने महिला सचिवमा रेशु तामाङ र मधेशीतर्फ चितरन्जन यादवले उम्मेदवारी दिएका छन् ।
पुरीको प्यानलबाट आयोग अध्यक्षतर्फ निर्वाचन आयोगमा शिव रिमाल,लेखा आयोगमा विक्रम गुरुङ, अनुसशान आयोगमा अजयजंग शाही र युवा विज्ञ परिषदको अध्यक्षमा मोदनाथ सिलवाल सन्तोषको उम्मेदवारी परेको छ ।
