भारत लैजाँदै गरिएका १९ बालकको उद्धार

 

 

 रुपन्देहीको सीमा क्षेत्रबाट भारतको कर्नाटकस्थित विभिन्न बौद्ध गुम्बामा लैजाँदै गरिएका १९ जना नेपाली बालकको उद्धार गरिएको छ । जहाँ दलाई लामाले चलाएको ठूलो गुम्बा रहेको छ । स्रोतका अनुसार यी बालबालिका पनि त्यही लैजाने सामान्य कागजपत्र भेटिएको हो ।

यो घटनाको आन्तरिक विषय त प्रहरीको अनुसन्धानमै छ तर यसअघि यसरी नै मानव बेचबिखन भएको, बाल अधिकार, धार्मिक आडमा भइरहेका शोषण, सीमा सुरक्षाको कमजोरी र राज्य संयन्त्रको अनुगमन विफलताको प्रमाण भएकाले पक्राउ गरी अनुसन्धान थालिएको रुपन्देहीका प्रमुख जिल्ला अधिकारी वासुदेव घिमिरे बताउँछन् । ‘विषय अलिक गम्भीरजस्तै लायो, उनीहरूले गुम्बामा लैजाने सामान्य कागज बनाए पनि अरू प्रक्रिया केही पुगेको छैन, यसैको अनुसन्धानमा प्रहरी खटिएकोछ उनले भने ।

घटना विवरणअनुसार नेपाल-भारत दशगजा क्षेत्रमा रहेको भैरहवा नाकाबाट १९ जना बालक बसमा चढाइ भारततर्फ लैजाँदै गरिएको अवस्थामा ‘किन इन्डिया’ नामक भारतीय संस्था र एसएसबी (भारतको सशस्त्र सीमा बल) को पहलमा उनीहरूलाई रोकिएको हो ।  सीमा क्षेत्रमा भारतीय  युप क्षेत्रको टुरिस्ट बस रिजर्व गरेर उनीहरूलाई लगिएको थियो ।