राप्रपा महामन्त्री धवलशमशेर हाजिर जमानीमा रिहा
राप्रपा महामन्त्री धवलशमशेर राणा हाजिर जमानीमा रिहा भएका छन् । चैत १५ को प्रदर्शनलाई उत्तेजक बनाउने भूमिका खेलेको कारण उनीलाई राज्यविरुद्धको कसुरमा म्याद थपी कानुनी कारबाही अगाडि बढाइएको थियो । तर स्वास्थ्यका कारण आवश्यक परेका बखत उपस्थित हुने गरी आइतबार राति हाजिर जमानीमा छुटेको जिल्ला प्रहरी परिसर काठमाडौंका एसएसपी विश्व अधिकारीले बताए । उनलाई पत्नी प्रतिभा राणाको जिम्मामा रिहा गरिएको हो ।
प्रहरीले धवल परिवारलाई बेलुकी ५ बजेपछि बोलाएको थियो । तर, उनकी पत्नी ७ बजेपछि मात्रै पुगिन् । सबै प्रक्रिया सकिएर प्रहरी कार्यालयबाट निस्कँदा करिब ९ बजेको एसएसपी अधिकारीले बताए । उनी रिहा भए पनि उनीविरुद्धको मुद्दा विचाराधीन नै रहने छ । ‘मुद्दा नचल्ने वा फिर्ता भएको होइन’ अधिकारीले भने, ‘उहाँले कानुनी प्रक्रियामा सहयोग गर्नुहुन्छ भन्नेमा विश्वास लिएका छौं ।
