काठमाडौं उपत्यका लगायत देशका विभिन्न भागमा वर्षा
काठमाडौं उपत्यकालगायत देशका विभिन्न ठाउँमा लामो समयपछि पानी परेको छ । वायु प्रदूषणको मार खेपिरहेका बेलाको यो वर्षात्ले राहत मिल्ने आशा गरिएको छ । जल तथा मौसम पूर्वानुमान महाशाखाका अनुसार अहिले काठमाडौं उपत्यकाका केही स्थान र कोशी, बागमती, गण्डकी र लुम्बिनी प्रदेशसम्म पानी परेको छ ।
पश्चिमी र स्थानीय वायुसँगै बंगालको खाडीबाट भिएको जलवाष्फयुक्त हावाको असरस्वरूप मौसममा बदली भई पानी परेको मौसमविद् गोविन्द झाले बताए । उनका अनुसार विहीबार पनि काठमाडौं उपत्यकामा वर्षात् हुने अनुमान छ । ‘पानी ठाउँठाउँमा जमिन भिजाउने गरी परेको छ । अब वायु प्रदूषण पनि केही न्यूनीकरण होला नै आशा गरौं’, झाले भने ।
