नेपाल वैदेशिक रोजगार व्यवसायी संघ निर्वाचनः नरेश गेलालको नेतृत्वमा सशक्त टिम तयार
नेपाल वैदेशिक रोजगार व्यवसायी संघको निर्वाचन मिति नजिकिएसँगै संघको नेतृत्व कसको पक्षमा भन्ने बहस समेत हुन थालेको छ । दुई वर्षे संघको नेतृत्वका लागि अहिले संयुक्त व्यवसायीहरुको तर्फबाट नरेश गेलालको नेतृत्वमा सशक्त टिम तयार भएको छ । हिजो मात्र काठमाडौको बित्तसपुतलीमा रहेको अनुपम फुडल्याण्डमा आयोजित एक कायर्कम्रबीच गेलाल नेतृत्वको टिम घोषणा भएको हो ।
वैदेशिक रोजगार संघको निर्वाचन यही चैत्र २९ गते हुँदैछ । यसकै तयारी स्वरुप संयुक्त व्यवसायीको तर्फबाट गेलालको नेतृत्वमा १७ सदस्यीय सशक्त टिम तयार भएको हो । गेलालको नेतृत्वमा प्रथम अध्यक्षमा सुजितकुमार श्रेष्ठ, दृतीय उपाध्यक्षमा मधुकर रिजाल, तृतीय उपाध्यक्षमा वैकुण्ठ पौडेल(वैभव), महासचिवमा कर्णराज कटुवाल,सचिवमा अनिल कटुवाल र कोषाध्यक्षमा धनु सिंजाली मगर श्रेष्ठ उम्मेदवार हुने भएका छन् । यस्तै सदस्यहरुमा देउमान नेम्वाङ,राजेन्द्र बस्नेत,चन्द्र लिम्वू,हिमा गुरुङ,रमा खड्का,दिनेश बस्नेत,कामेश्वर साह राहुल,छत्र बस्नेत,युवराज देवकोटा र राजेश यादव रहेका छन् ।
प्रगतिशील वैदेशिक रोजगार व्यवसायी मञ्च नेपाल, नेपाल लोकतान्त्रिक वैदेशिक रोजगार व्यवसायीका असन्तुष्ट पक्ष र एकीकृत वैदेशिक रोजगार संगठनबीच तालमेल भएर संयुक्त व्यवसायी समूह निर्माण भएको हो । यसर्थ पनि यो टिम अरु टिमभन्दा सशक्त देखिन्छ । एचआर इन्टरनेशनल प्रा.लि.का संचालक, संघका पूर्व महासचिव तथा मञ्चका अध्यक्ष समेत रहेका गेलाल डाइनामिक पर्सनका रुपमा रहेका छन् । संघको नेतृत्व आफूलाई सुम्पिए व्यवसायीहरुको हक र हित संरक्षणका लागि आफूले सधै समय दिन सक्ने उनको कथन रहेको छ ।
यस्ता छन् गेलाल समूहकाे प्रतिबद्धता
