अमेरिकाबाट निष्कासित नेपाली लिएर आएको जहाज काठमाडौं आइपुग्यो
अमेरिकाबाट निष्कासित नेपालीहरुलाई बोकेर आएको अमेरिकी जहाज काठमाडौंमा अवतरण भएको छ । अमेरिकी चार्टर जहाज बिहान १० बजे त्रिभुवन अन्तर्राष्ट्रिय विमानस्थलमा अवतरण भएको हो ।
डोनाल्ड ट्रम्पले राष्ट्रपतिको कार्यभार सम्हालेपछि अमेरिकाले गैरकानुनी रूपमा बस्ने र काम गर्ने विदेशी नागरिकहरूलाई आफ्नो मुलुकमा फर्काउने क्रम जारी राखेको छ । सोही अनुसार अवैध रूपमा अमेरिका बस्दै आएका नेपालीहरुलाई पनि फिर्ता गरेको हो । अमेरिकी अधिकारीहरूले उनीहरुलाई विभिन्न समयमा पक्राउ गरेका थिए, जसमध्ये केहीलाई अदालती आदेशद्वारा र केहीलाई काम गर्दैगर्दाको अवस्थामा पक्राउ गरेको थियो ।
