नाक, कान, घाँटिको नि:शुल्क स्वास्थ्य शिविरबाट २ सय जना लाभान्वित

पूर्कोट नेवा समाज काठमाडौकाे पहलमा काठमाडौं नाक,कान,घाँटि अस्पतालको सहयोगमा भानु नगरपालिका तनहुका वडा ८ र ९ का बिरामीहरूकाे गत शनिबार निशुल्क स्वास्थ्य परिक्षण गरियो । शिविरमा पुरुष भन्दा महिलाको संख्या बढी थियाे । भानु ८ र ९ बाहेक वडा ७, १० र लमजुङ राईनासबाट पनि बिरामी थिए । बिराीहरूलाई निशुल्क औषधि पनि वितरण गरिएको थियाे । काठमाडौं नाक,कान,घाँटी अस्पतालका वरिष्ठ डाक्टर प्रकाशबहादुर थापाको नेतृत्वमा रहेको टिमले २०० जनाको परिक्षण गर्यो ।
नमस्ते सहकारीमा आबद्ध प्रतिभा श्रेष्ठले यो भेगमा नाक, कान, घाँटी काे िनशुल्क परिक्षणको सेवा उपलब्ध हुनु अहोभाग्य हो भन्दै आगामी दिनमा अन्य रोग्को शिविर सन्चालन हुनेमा आशावादी छु भन्नुभयो । नमस्ते सहकारीमै आबद्ध सम्झ्ना श्रेष्ठले पनि यो शिविरबाट स्वास्थ्य परिक्षणका साथै निशुल्क औषधि उपलब्ध हुदा अत्यन्त लाभान्वित भएको छु भन्नुभयो ।

परिक्षणपछिको समापन कार्यक्रममा डा प्रकाश बहादुर थापा, श्रीकृष्ण श्रेष्ठ , गणेश श्रेष्ठ , वडा सदस्य शर्मिला बिक, विष्णुलाल श्रेष्ठ , सुदिप श्रेष्ठ , बुद्ध श्रेष्ठले मन्तव्य राख्नुभयो । शिविरमा सहयोगी भुमिका खेल्नुहुने स्वास्थ्य टिम, अस्पताल, वडालाई धन्यवाद पत्र र सम्झनाको उपहार प्रदान गरिएको थियो ।
शिविरमा स्थानीय क्याम्पस, विद्यालय, स्थानिय सुरक्षा निकाय,महिला समाज, सहकारी र अन्य निकायबाट प्रतिनिधि सहभागी थिए ।