आज ९ जनाको मृत्यु, मृतकको संख्या १४६ पुग्यो
नेपालमा कोरोना भाइरस (कोभिड-१९) को संक्रमणबाट थप ९ जनाको मृत्यु भएको स्वास्थ्य तथा जनसंखया मन्त्रालयले जनाएको छ।
शनिबार मन्त्रालयले आयोजना गरेको नियमित मिडिया ब्रिफिङमा मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा थप ९ जनाको कोरोना संक्रमणबाट मृत्यु भएको बताए । उनबा अनुसार मृत्यु हुनेमा एक ६ वर्षीया बालिका र ८ जना पुरूष रहेका छन्।
मन्त्रालयका अनुसार सुनसरीमा ६ वर्षीया बालिका र ६७ वर्षीय पुरूष, पर्सामा ६१, ५८ र ४८ वर्षीय पुरूषको मृत्यु भएको हो। त्यस्तै बारामा ५८ वर्षीय, सिरहामा ६८ वर्षीय, मकवानपुरमा ५६ वर्षीय र भक्तपुरमा ७३ वर्षीय पुरूषको कोरोना संक्रमणबाट मृत्यु भएको मन्त्रालयले जनाएको छ। यो सँगै नेपालमा कोभिड-१९ बाट मृत्यु हुनेको संख्या १४६ पुगेको छ। यो भनेको ०.५ प्रतिशत हो ।
यस्तै मन्त्रालयका अनुसार शनिबार देशभर ६३४ जना कोरोना संक्रमित थपिएका छन् । योसँगै नेपालमा कोरोना संक्रमितको कूल संख्या ३१ हजार ११७ पुगेको छ ।
