वीरगञ्जकी ४५ वर्षीया महिलाको कोरोनाले मृत्यु, थप २२ जना संक्रमित
पर्साको वीरगञ्जमा थप एकजना कोरोना संक्रमितको मृत्यु भएको छ ।
नारायणी अस्पताल वीरगञ्जमा उपचारको क्रममा मृत्यु भएकी एक महिलाको कोरोना पोजेटिभ आएको अस्पतालका मेडिकल सुपरिटेन्डन्ट डाक्टर मदन उपाध्यायले बताए ।
उनको २४ गते उपचारको क्रमम मृत्यु भएको थियो । उनको मृत्युपछि कोरोनाको रिपोर्ट पोजेटिभ आएको डा.उपाध्यायले बताए ।
‘२४ गते नारायणी अस्थायी कोभिड अस्पतालमा इमर्जेन्सीमा भर्ना हुनुभयो २५ गते विहान मृत्यु भएको थियो,’ डा.उपाध्यायले भने, ‘उहाँको आज कोरोना परीक्षणको रिपोर्ट पोजेटिभ आयो ।’
डा.उपाध्यायका अनुसार ती महिलामा उच्च रक्तचाप र थाइराइडको समस्या समेत रहेको थियो । नारायणी अस्पतालको प्रयोगशालामा ती मृतक महिलासहित थप २२ जनामा कोरोना पुष्टि भएको डा.उपाध्यायले बताए ।
