प्रचण्ड परिवारका सवैको रिपोर्ट नेगेटिभ
सत्तारूढ दल नेपाल कम्युनिस्ट पार्टी नेकपाका अध्यक्ष पुष्पकमल दाहाल “प्रचण्ड”को परिवार र सचिवालय सदस्यहरुको कोरोना परिक्षण रिपोर्ट नेगेटिभ आएको छ ।
सुरक्षामा खटिएका सुरक्षाकर्मीमा कोरोना देखिए पनि परिवारका सबै सदस्यको रिपोर्ट नेगेटिभ आएको छ । बाहिरी घेरामा रहेका ६ जना सुरक्षाकर्मी बाहेक अरु सबैको रिपोर्ट नेगेटिभ आएको प्रचण्डको सचिवालयले जनाएको छ ।
“अध्यक्ष लगायत हामी सम्पुर्ण परिवारका सदस्यहरु, सुरक्षाकर्मीहरु र सचिवालयका सदस्यहरुले कोभिड १९ स्वाव परीक्षण गर्दा, बाहिरी घेरामा रहनुहुने ६ जना सुरक्षाकर्मीलाई कोरोना पोजिटिभ देखिएको छ।” प्रचण्डपुत्रि गंगा दाहालले भनिन् “ऊक्त ६ जना बाहेक हामी सवैको रिपोर्ट नेगेटिभ आएको छ ।”
गत बुधवार प्रचण्डको निवासमा कार्यरत सबै सुरक्षाकर्मी तथा प्रचण्डको परिवार सबैजनाको स्वाब संकलन गरेर परीक्षण गरिएको थियो । जसमा ६ जना सुरक्षाकर्मीमा कोरोना भाइरस पोजेटिभ देखिएको हो ।
