नेपाल कै ठुलो र पहिलो भर्चुअल शैक्षिक मेला आजबाट

 

कलेज रिडर्सको आयोजनामा साउन आज देखि भदौ ३ गतेसम्म भर्चुअल इडियु फेयर २०२० हुने भएको छ ।

कोभिड १९ महामारीका कारण एसईई दिएका विद्यार्थीहरुले उच्च शिक्षाका लागि स्कुल र कलेज भौतिक रुपमा भ्रमण गर्न नसक्ने तथा उपयुक्त सूचना र जानकारी पाउन मुस्किल पर्न गएकोले विद्यार्र्थी तथा अभिभावकलाई घरै वसी उपयुक्त सूचना संकलन गर्ने, अन्तरक्रिया गर्ने र कलेज छान्ने, भर्ना फारम भर्न मिल्ने गरी भर्चुअल शैक्षिक मेलाको आयोजना गरिएको हो ।

१५ दिनसम्म चल्ने अनलाइन शैक्षिक मेलामा एसईई उत्तीर्ण विद्यार्थीलाई लक्षित गरी उच्च शिक्षाका लागि सूचना तथा परामर्श दिइने छ । यस भर्चुअल शैक्षिक मेलामा स्कुल तथा कलेजको भर्चुअल भ्रमण, अन्तरक्रिया, विविध क्षेत्रका विज्ञसँगको निःशुल्क Webinar मा सहभागिता, Career Counseling  and online scholarship Test जस्ता कार्यक्रम रहनेछन् । बहु प्रतिभाशाली विद्यार्थी लक्षित अनलाईन निवन्ध लेखन, वक्तृत्वकला, कविता वाचन प्रतियोगिता सञ्चालन समेत गरिनुका साथै विद्यार्थीहरुलाई २ करोड छात्रवृतिको समेत व्यवस्था गरिएको छ । उपत्यका लगाएत देशभर बाट एक सय ५० भन्दा बढी कलेजहरु यस शैक्षिक मेलामा सहभागी हुनेछन् भने पाँच लाख विद्यार्थी तथा अभिभावकहरुले मेलामा भ्रमण गर्ने अपेक्षा गरिएको कलेज रिडर्सले जनाएको छ ।

स्कुल तथा कलेजको ३६० डिग्री क्यामेराबाट खिचिएको फोटो मा विद्यालय तथा कलेजको ground , reception, Labs, Library, classrooms, seminar hllas, administrative blocks, cafeteria, games facliities सहितको Virtual Tour ले विद्यार्थी तथा अभिभावकहरुलाई आफै कलेज पुगेको महसुस हुने कार्यक्रम संयोजक रामहरि सिलवालले जानकारी दिए ।

भर्चुअल मेलाले विद्यार्थी तथा अभिभावकले एउटै Virtual Tour द्धारा विभिन्न स्कुल र कलेजहरु बीच तुलना गरी कलेज छनोट गरी आफ्नो निर्णय लिन सक्नेछन् ।