कुवेतबाट नेपाली लिएर आएको जहाज काठमाडौं आइपुग्यो
कुवेतमा आममाफी पाएका नेपालीलाई आज (बिहीबार) आठमाडौं आइपुगेका छन् । कुवेतमा आममाफी पाई आश्रयस्थलमा रहँदै गरेका नेपालीलाई लिएर आएको पहिलो जहाज आज (बिहीबार) साढे ११ बजे त्रिभुवन अन्तर्राष्ट्रिय विमानस्थलमा अवतरण भएको हो । कुवेतमा आममाफी पाएका १५० महिला पहिलो जहाजमार्फत काठमाडौं आइपुगेका हुन् ।
उनीहरुलाई विमानस्थलमा सामान्य स्वास्थ्य जाँचपछि सम्बन्धित प्रदेशको होल्डिङ सेन्टरमा लगिने छ । होल्डिङ सेन्टरमा प्रक्रिया पूरा भएपछि उनीहरुलाई प्रदेशले नै सम्बन्धित पालिकामा पठाउने छ ।
तर अहिले फर्कने कतिपय गर्भवतीहरु पनि छन् । होल्डिङ सेन्टरको स्वास्थ्य यूनिटले तत्कालै यात्रा गर्न नसक्ने भन्ने यकिन गरेमा उनीहरुलाई काठमाडौकै आपतकालीन क्वारेन्टिनमा राखिने जनाइएको छ ।
सम्बन्धित पालिकामा पनि विदेशबाट घर फर्कनेले १४ दिन क्वारेन्टिनमा बस्नु पर्नेछ । त्यसपछि मात्रै आफ्नो घर जान पाइनेछ । कुवेतबाट दोस्रो जहाज १ः३० मिनेटमा काठमाडौ आइपुग्ने त्रिभुवन विमानस्थलले जानकारी दिएको छ ।
