अर्को दिलिप महतो बन्न तयार छु तर उत्खनन् हुन दिन्न : धनपती महतो , युवा अगुवा
अवैध उत्खनन विरुद् आवाज उठाउँदा ज्यानै गुमाएका दिलिप महतोको पदचाप पछ्याउँदै सोही ठाउँका युवा अगुवा धनपती महतोले उत्खनन रोकेरै छाड्ने उद्घोष गरेकाछन् । सरकारले लामो लकडाउनपछि ४४ ओटा उद्योग तथा ब्यवसाय खोल्न दिएको अनुमतीमा क्रसर उद्योग र निर्माण सामाग्री भित्र पर्ने गिट्ग्रिावेल पनि खुल्ला भएपछि धनुषामा फेरी खोलाहरुमा गिट्ीग्रावेल उत्खनन् तिब्र पारिएको छ ।
यसै क्रममा मिथिला नगरपालिकाको ३ नम्बर वडामा पर्ने जलाद खोलामा बेचन शर्माको क्रशर उद्योगले उत्खनन थालेपछि स्थानिय युवा अगुवा धनपती महतोको समूहले यसको विरोध गरेकाछन् । बेचन मिथिला नगरपालिकाका गिट्ीग्रावेलका ठेकेदार समेत हुन् ।
खोलाबाट गिट्ीग्रावेल उठाउन रोक लगाउँदा धनपतीको समूहलाई विहिवार प्रहरीले समेत हस्तक्षेप गरेपछि आक्रोशित बनेको धनपतीको समूहले पत्रकारहरुसँगको भेटमा आफूहरुको ज्यान गएपनि उत्खनन् रोकेरै छाड्ने दावि गरेका हुन् । धनपती महतोले भने , मापदण्ड विपरीत जलाद खोलामा फेरी माफियाहरुले उत्खनन् थालेकाछन् , अर्को दिलिप महतो हुन तयार छु तर उत्खनन् हुन दिन्न । जलाद खोलकै छेउमा रहेको औरही खोलाको उत्खनन् रोक्दा दिलिप महतोको ज्यान गएको थियो । दिलिपलाई पर्यावरण शहिद घोषणा गर्नुपर्ने समेत धनपतीले माग गरे ।
