ट्रान्सपोर्टको नाममा तातोपानीबाट सुन तस्करी, यी हुन मुख्य कारोबारी

 

लकडाउनका बेला सहज आयात हुनुपर्ने तातोपानी नाकामा अहिले तस्करका कारण तनाव सिर्जना भएको छ । खुल्ला प्रतिश्पर्धा भएपनि सिल्क ट्रान्सपोर्टका नाममा एकलौटी सामान ढुवानी हुन थालेपछि तनाव सिर्जना हुन थालेको हो । नेकपाका नेता तथा बाह्रविसे नगरपालिकाका मेयरको निमफुञ्जो शेर्पाको संरक्षण पाएका बाह्रविसे नगरपालिका ५ गातीका रमेश शेर्पाको स्वामित्वमा रहेको यो ट्रान्सपोर्टले तस्करीको सामान ढुवानी गरिरहेका कारण स्थानीय अवरोधसमेत गरेका थिए । तर, स्थानीय प्रहरी,प्रशासनलाई प्रभावमा पारेर ती गाडीहरु चेकजाँचसमेत नभएपछि स्थानीय पनि आक्रोशित भएका छन् । अहिले नेपाल आइरहेको सामान सबै सिल्क ट्रान्सपोर्टले ल्याइरहेको छ ।

चिनियाँ मुसा भन्ने कम्पनी र बाह्रविसे नगरपालिकाका रमेश शेर्पासहित केहि नेपालीको आधा लगानी रहेको सो ट्रान्सपोर्टका दुईसमय धेरै कन्टेनर छन् । अहिले नेपालमा ल्याइने सबै सामान ढुवानी गर्ने काम सबै यहि कम्पनीको एकलौटी छ । कन्टेनरहरु अहिले रातारात नेपालतर्फ सामान ल्याउन प्रहरीकै स्कर्टीङमा लागिपरेका छन् । अत्यावश्यक र आवश्यक सामान ल्याउन छुट सरकारले दिएको अवसरको फाइदा उठाउँदै सूनको तस्करी व्यापक भइरहेको जानकारहरु बताउँछन् । यी सामानहरु तिव्वतमा वा खासामा मात्र सेटीङ भएर आउने नभइ ग्वानजाओबाटै सेटीङ भएर आउनेब्यसायीहरु बताउँछन् । को हुन् रमेश शेर्पा ? केही समय अघिसम्म सामान्य झोलेपोके काम गर्ने साविक गाती गाविसका रमेश बाह्रविसे नगरका मेयर तथा सिन्धुपाल्चोक नेकपा नेता निमफूञ्जो शेर्पाका भान्जा हुन् ।

सामान्य परिवारमा जन्मेका रमेशको अहिलेको आर्थिक अवस्था देख्नेहरु जो कोही पनि जिभ्रो टोक्ने गर्दछन् । सामान्य ब्यवसायी रमेशको अहिले काठमाडौ जोरपाटीमा तीन रोपनी जग्गामा आलिशान महल छ । महलभित्रै स्वीमिङपूल रहेको घरमा भूमिगत गोदाम रहेको शंका गर्नेहरु धेरै छन् । चीन बाट भारत सुन तस्करी गर्ने रमेशको सामान तीन पटक भारतमा समेत पक्राउ परेको थियो । भारतको सिलगुढीमा रमेशमा भिनाजू १६ केजी अवैध सुनसहित पक्राउ परेका थिए । त्यस्तै काठमाडौंको महाबौछमा पनि उनको भिनाजूको दाई २० केजी सुनसहित पक्राउ परेका थिए । उनीहरु तीन महिना जेल बसेर निस्किएका थिए । हुण्डी कारोवारमा पनि नेपाल प्रहरीले रमेशलाई खोजी गरेपनि उनका कामदारहरुमात्र पक्राउ परेका छन् ।

नेपालका बिभिन्न स्थानमा पक्राउ परेको सुनमा पनि रमेशकै नाम जोडिने गरेको छ । तर, उनी पहुँचका भरमा नसमातिने र भरियामात्र पक्राउ पर्ने गरेको जानकारहरु बताउँछन् । भोटकोशी गाउँपालिको तातोपानी नाका नजिकै निर्माण भईरहेको १६ दमलवल २६ क्षमताको हिमरिभर हाईड्रोमा दश करोडको शेयर लगानी गरेका शेर्पाको अबैध ब्यवसायका कारण करोडौंको आम्दानी भएको उनको निकटहरु बताउँछन् । यो हाईड्रोमा पहिले अध्यक्ष रहेका रमेशल ेअहिले अध्यक्ष छोडेर नेकपाका नेता सरलसहयात्री पौडेललाई अध्यक्ष बनाएका छन् ।

आफ्नो भिनाजूलाई साथ लिएर काम गर्ने रमेशले मामा नाता पर्ने बाह्रवीसे नगरपालिकाको मेयर निमफुञ्जो शेर्पालाई चुनावमा तीन करोड रुपैयाँ सहयोग गरेका थिए । सोही सहयोगका आधारमा मेयर शेर्पाले रमेशको अवैध कामलाई सहयोग गर्ने गरेको रमेशका एक नजिकका ब्यक्तिले जानकारी दिए । तातोपानी भन्सार प्रमुख लालबहादुर खत्री,प्रमुख जिल्ला अधिकारी उमेशकुमार ढकाल र सिन्धुपाल्चोक प्रहरी प्रमुख प्रज्ज्वल महर्जनले रमेशको काममा सहयोग गरेको स्थानीय बताउँछन् । तर, प्रहरी प्रशासन भने आफूहरुले त्यसो नगरेको बताउँछ ।

‘प्रहरी प्रशासनलाई सहयोगमा लिएपछि जे काम गरेपनि सजिलो हुने रहेछ ।’ रमेशले आफूसँग पटक पटक यस्तो अभिब्यक्ति दिने गरेको उनको एक साथीले बताए । सिल्क ट्रान्सपोर्टमार्फत नेपाल ल्याईएको सामान अहिले पनि प्रहरी प्रशासनले चेकजाँच नगरी पठाउने गरेको छ । कोरोना भाइरस(कोभिड–१९) को संक्रमण भित्रने भन्दै भोटेकोशीका वडाध्यक्षले ज्ञापनपत्रमार्फत लिखित विरोध जनाएपछि चीनबाट ल्याइएका स्याउ र लसुन बोकेका कन्टेनर स्कटिङ गरेर ल्याईएको बताईन्छ । नेपाल र सशस्त्र प्रहरीको गाडी अघिपछि लगाएर कन्टेनर ल्याईएको छ । अति आवश्यक सामान मात्र ल्याउनुपर्ने भन्दै भोटेकोशी गाउँपालिकाका ४ जना वडा अध्यक्षले तातोपानी भन्सारलाई ज्ञापनपत्र बुझाएका थिए । उनीहरुले स्वास्थ्य सामाग्री मात्र ल्याउन माग गरेका छन् ।

जबरजस्ती सामान ल्याएमा र संक्रमण नहुने ग्यारेन्टी नगरेमा आयातित स्याउ र लसुन नष्ट गर्ने चेतवानी वडाध्यक्षले दिएका थिए । उनीहरुले धम्की दिएपछि कन्टेनरलाई सुरक्षा दिएर बन्दरगाहमा प्रवेश गराइएको हो । भन्सार प्रमुख लालबहादुर खत्रीका अनुसार सीमामा आएको सामानलाई सुरक्षा दिनुपर्ने भएकाले स्कटिङ गरिएको हो । पछिल्लो समय संघीय सरकारले तातोपानी नाका सञ्चालन गरेर स्वास्थ्यसँग सम्बन्धित र अतिआवश्यक अन्य खाद्य सामाग्री ल्याउने निर्णय गरेको थियो ।

 

यही मौकामा तस्करीका सामान ल्याईएको ब्यवसायीहरुको भनाई छ । दाल, चामल, नुन आदी) ल्याएपनि लसुन र स्याउ ल्याउन नदिने जनप्रतिनिधिको भनाई छ । लसुन र स्याउ ल्याउँदा कोरोना संक्रमण हुने खतरा रहेको भनाई उनीहरुको छ । सामान ल्याउन लागेको थाहा पाएपछि वडाध्यक्षहरुले प्रहरी स्कटिङको भिडियो नै सार्वजनिक गरेका थिए । उनीहरुले स्कटिङ नै गरेर सामान ल्याउँदा शंका गर्नुपर्ने ठाउँ रहेको बताए ।