लकडाउन उलंघन गर्ने ६ सय जनालाई कारवाही
लकडाउन उलंघन गर्दै सडकमा आएका ६ सय जनालाई प्रहरीले सडक हिरासतमा लिएको छ । कोरोना भाइरसको सम्भावित महामारीलाई रोक्न सरकारले लकडाउन गरेको आज छैटौ दिन हो । छैटौ दिनमा लकडाउनुको उल्लघंन गर्ने ५१२ पुरुष र १०५ महिलालाई प्रहरीले नियन्त्रणमा लिएर सडक हिरासतमा राखेको छ ।
आइतवार विहान राजधानी काठमाडौंका सडकमा मानिसहरु अझै बाहिर निस्किरहेका छन् । उनीहरुलाई दैनिक प्रहरीले कारवाही गरिरहेको छ । शनिवार मात्र ५ सयजनालाई कारवाही गरेको थियो । आइतवार विहान लकडाउन उलंघन गर्नेलाई सडकमै रोकेर राखेको छ । उनीहरुलाई घर जान र गन्तब्यमा जान रोकेको छ । सकडको बीचमा डोरी लगाएर उनीहरुलाई डोरीभित्र राखिएको छ ।
महानगरीय प्रहरी प्रभाग रानीपोखरीले लकडाउन उल्लघंन गर्नेलाई नयाँ तरिकाले नियन्त्रणमा लिइएको डिआईजी विश्वराज पोखरेलले बताए । लकडाउन उल्लघंन गर्नेलाई जहाँ भेटिन्छ त्यही २ घण्टासम्म नियन्त्रणमा लिएर राख्ने गरिएको डिआइजी पोखरेलले बताए । उनले यसक्रममा नियन्त्रणमा परेकालाई उचित दुरी मिलाएर दुई घण्टा राखेर ब्रिफिङ् गरेर छाड्ने गरिएको छ ।
