वरिष्ठ पत्रकार दुर्गानाथ शर्माको निधन

वरिष्ठ पत्रकार दुर्गानाथ शर्माको ७२ वर्षको उमेरमा निधन भएको छ। काठमाडौंमा उपचार क्रममा बुधबार बिहान शर्माको निधन भएको पारिवारिक स्रोतले जनाएको छ। उनको २४ वर्षअघि ओपन हार्ट सर्जरी गरिएको थियो । फेरि समस्या भएपछि उनलाई मंगलबार राति ८ बजे मनमोहन अस्पतालमा भर्ना गरिएको थियो। पारिवारिक स्रोतका अनुसार आजै पशुपति आर्यघाटमा उनको अन्त्येष्टि गर्ने तयारी छ । उनी इलामको फिक्कलमा जन्मिएका थिए ।