बस र माइक्राे ठाेक्किँदा सुनसरीमा पाँच जनाकाे मृत्यु
इनरुवा नगरपालिकाकाे तित्रीबनामा बस र माइक्रोबस आपसमा ठाेक्किँदा पाँच जनाकाे ज्यान गएकाे छ ।
इटहरीबाट इनरुवातिर जाँदै गरेको बा ५ ख ३१५७ नम्बरको हाइस गाडी र इनरुवाबाट इटहरीतिर आउँदै गरेको ना ६ ख ७९५ नम्बरको बस आपसमा ठाेक्किएका हुन् ।
दुर्घटनामा माइक्रोका चालक दीपक खड्कासहित तीन जनाकाे घटनास्थालमा ज्यान गएकाे थियाे भने उपचारकाे क्रममा दुई जना गरी पाँच जनाकाे ज्यान गएकाे प्रहरीले जनाएकाे छ । त्यस्तै दुर्घटनामा काठमाण्डाैका हेमराज काेइरालाकाे ज्यान गएकाे छ ।
दुर्घटनामा कम्तीमा १२ जना घाइते भएका छन् ।
